قومی کرکٹ ٹیم کے سابق کھلاڑی اور فاسٹ باؤلر شعیب اختر جولائی 2022 میں تصدیق کی تھی کہ ان کی زندگی پر فلم بنائی جارہی ہے
2022 میں معروف گلوکار و ماڈل عمیر جسوال نے بتایا تھا کہ وہ اس فلم میں شیعب اختر کا کردار ادا کریں گے
لیکن کچھ وقت بعد ہی انھوں نے فلم سے علیحدگی کا اعلان کیا تھا
جبکہ بعدازاں شعیب اختر نے بھی جنوری 2023 میں ہی اپنی زندگی پر بنائی جانے والی فلم سے راہیں جدا کرلی تھیں
شیعب اختر نے ٹوئٹ میں بتایا تھا کہ ان کی جانب سے اپنی زندگی پر بنائی جانے والی فلم کے معاہدے کو ختم کرنے کے باوجود فلم بنانے والے افراد انہیں فلم بنانے اور اسے ریلیز کرنے کی دھمکی دے رہے ہیں
جس کی وجہ سے انہیں عدالت جانا پڑا
تنازعات اور شعیب اختر کی جانب سے حکم امتناع حاصل کرنے کا دعویٰ کرنے کے باوجود ان کی زندگی پر بنائی گئی فلم کا ٹیزر ریلیز کردیا گیا ہے
فلم ’راولپنڈی ایکسپریس‘ کے نام سے بنائی گئی
فلم میں گوہر رشید، سلیم معراج اور شفقت چیمہ مرکزی کردار ادا کررہے ہیں
ٹیزر میں دکھایا گیا ہے کہ شعیب اختر کا بچپن کس قدر غربت اور مسائل میں گزرا لیکن اس کے باوجود ان میں کرکٹر بننے کا جنون تھا
فلم کا ٹریلر دیکھنے کے لیے watch Trailer پر کلک کریں